is nadee kee dhaar men ThanDee havaa aatee to hai,
naav jarjar hee sahee, laharon se Takaraatee to hai.
ek chinagaaree kahee se Dhoo(n)Dh laao doston,
is die men tel se bheegee huee baatee to hai.
ek khanDahar ke hRday-see, ek jangalee phool-see,
aadamee kee peer goongee hee sahee, gaatee to hai.
ek chaadar saa(n)jh ne saare nagar par Daal dee,
yah andhere kee saḌak us bhor tak jaatee to hai.
nirvachan maidaan men leTee huee hai jo nadee,
pattharon se, oT men jaa-jaake batiyaatee to hai.
dukh naheen koee ki ab upalabdhiyon ke naam par,
aur kuchh ho yaa n ho, aakaash-see chhaatee to hai.
Ref. : Saaye mein Dhhoop: Dushyant Kuman Ki Ghazalon Ka Sangrah
Pub. : Radhakrishna Prakashan
